[rap] olin li tawa jan ale lon

olin li tawa jan ale... why is it so hard to understand?
the final version until better times will come

original music under the lyrics

intro

olin li tawa jan ale.
nimi mute li lon.
taso nimi ni li sewi lon.
tenpo pini la mi sitelen e musi ni,
la ijo jaki li kama.
tenpo pini la mi pali ante e musi ni,
la ijo pi jaki mute li kama.
tenpo ni la jaki li mute mute a.

verse 1

jan mute li pilin e ni: meli en mije li wile
olin e ante. taso mi toki e ni: tan seme?
jan mije li ken ala olin e mije anu seme?
jan li lukin ike, la jan sewi ken li pilin ike.

ike mute la jan li nasa. ale li sona. tenpo pini la
mi sona ala e ni. mi wile sona li kama sona.
sona li suli li pona. taso jan mute li sona ala
e ni: mije seme li olin e mije? a!

jan li wan. jan wan li sama ala jan ante wan.
jan ala li ken lawa e pilin ona. o pakala!
sina meli, la sina wile, la o uta e meli sina!
o pilin ike ala tan pilin utala pi jan nasa!

olin li pilin pi pona mute a! pilin sama li lon ala.
ni li ike ala ike: jan li olin e jan?
jan li jan anu soweli. jan olin li ken ali.
tenpo pini la ona li ike. tenpo ni la ona li sama

hook 1

olin li tawa jan ale.
sina ken ala ante e olin.
pilin utala li lon pilin,
la sina wile pilin e ike.

olin li tawa jan ale.
sina ken ala ante e olin.
pilin utala li lon pilin,
la sina wile pilin e ike.

verse 2

tenpo pini la mi sona e jan mije lon
poka pi tomo mi. ona li pona li lon tomo
kepeken mama lete. mama li olin ala,
la jan ni li lukin tawa olin lon poka pi mije wawa.

ona tu li lon ma, la len ona li lon anpa.
ona tu li lon ma, la palisa ona li wawa.
ona tu li lon ma, la jan wan li lukin e ona,
la ona tu li tawa. tenpo kama la mije wawa

li mije weka. jan pi tomo poka li pilin ike.
mi tawa ona, la mi toki lon tenpo mute,
la mi kama olin e ante. mi olin e sama,
la mama ona li kama sona, la mije mi li tawa weka kin.

mi mute li ken ala toki. mi mute li ken ala lukin.
mi mute li ken ala pilin. mi mute li wile moli.
tenpo suno wan la mi mute li lukin e sama,
la mi lukin tawa nena weka, li tawa moli anpa.

verse 3.1

olin li suli. olin li pona.
olin li ike. olin li sona.
jan li toki e ni: olin li kon ale.
mi toki e ni: jan mute li wile utala li awen.

jan li wile sin li wile olin
li wile ala utala. tenpo ni
la mi pana e namako tawa sina
tan ni: mi olin e musi e jan mute sina.

hook 2

olin li tawa jan ali.
kulupu lawa li toki e ante.
ona li wile sona ala e ni:
sina ken lukin ala, la sina ike.

jan pona li utala ala.
jan utala li pakala mute,
la jan pona li olin e ante.
jan li jan taso li soweli ante.

verse 3.2

tenpo sike suno pini mute la mi toki
e ni: o utala ala!... taso jan li utala toki
lon tenpo ale. mi mute li pilin ike.
tenpo ale la jan utala li toki sike.

jan li ken olin. jan li ken jo e wile.
jan li olin e meli. jan li olin e mije.
jan li olin e ante. jan li ken olin ale.
taso jan nasa li utala la mi mute li anpa len.

outro

jan li pilin utala tan sina, la sina ken la o lukin weka taso. ona li nasa.
sina ken ala ante e ona. taso sina ken olin.
ona li wile pakala e jan sama sina la o awen tawa tenpo pona kama.
tenpo ni li kama tawa. wile mi la tenpo kama li kama lili.
ale la o sona e ni: olin li pona.
ni li suli taso.

the background music is now fully original (no more copyright issues), is titled "olin ni li musi taso tawa jan ale" and is freely available under CC-BY!

sheet music w/o lyrics: https://musescore.com/user/50327411/scores/8495021

proper version:

acoustic instrumental version:

acoustic spoken word version: