[rap] sina sona ala sona e ni
2018. 02. 16. 12:00 | \rap \toki pona
sina sona ala sona e ni: mi jan Sotan?
sina sona ala sona e ni: ma mama mi li ma Mosija?1
sina sona ala sona e ni: mi wile moku kin?
sina sona ala sona e ni: jan kule li po-ta-mi?
"jan pona mi o awen! nimi po-ta-mi li seme?
o toki ike ala! sina ken pali 'better'!
nimi kama sina li seme? nimi po-ta-ta-mi?
sina toki e ni, la mi kama nasa lon tenpo ni!"
jan pi kalama ante mi o, ni li ken tu
tan ni: toki Inli la "There's nothing people can't do!"
nimi po-ta-mi li "pona tawa mi" anu "pona taso mi".
nimi po-ta-ta-mi li ken "pona tawa taso mi".
a! ni li lon: mi pali e ni, lon
tenpo ni. ni la nimi "ni" li kon.
ni la ni li jo ala e kon la ni li nimi nasa.
tenpo ala la lawa mi li kulupu Nasa.
musi ni li nasa! musi ni li ante!
nimi ante pi jan nasa li jan Te!2
mi toki e ijo ike tawa jan ale, la
jan ale li wile pilin ike ala, la
mi pilin pona tan ni: mi jan ike ala.
ken la mi nasa. taso mi jan ike ala.
sin' alas' alalasa3 e kon pi musi ni kin?
jan lili seli mi o,4 kon ala li pi musi mi!
sina sona ala sona e ni: mi jan nasa?
sina sona ala sona e ni: mi sewi la sina anpa?
sina sona ala sona e ni: mi ken toki powe?
sina sona ala sona e ni: jan mute li lon len?
mi mama ijo. ken la mi mama Papa.
mi wile e nimi "papa" lon toki pona.
taso mi sona e ni: mi wile ala kepeken
nimi pi li lon ala pi toki pona. ona li ike.56
mi toki lon toki ike pi mute ala.
mi toki lon toki ike tu taso. tu li mute ala.
taso tuli li mute. tuli li suli. tu li suli ala.
toki pona la nanpa li nasa.
jan pona mi o, ike mi! sina wile sona
e ni: kemmi toki e nasa, kepeken toki pona
tan ijo ale, tawa jan ali
lon ma ale, sama jan nasa pi li mi.
musi ni li nasa! musi ni li ante!
nimi ante pi jan nasa li jan Te!
mi toki e ijo ike tawa jan ale, la
jan ale li wile pilin ike ala, la
mi pilin pona tan ni: mi jan ike ala.
ken la mi nasa. taso mi jan ike ala.
sin' alas' alalasa e kon pi musi ni kin?
jan lili seli mi o, kon ala li pi musi mi!
sina sona ala sona e ni: mi jan ala?
sina sona ala sona e ni: mi lape lon supa?
sina sona ala sona e ni: pan li pona tawa mi?7
sina sona ala sona e ni: toki Tapasan li toki mi?8
lon la mi anasa. lon la mi toki pona.9
taso anasami lon nasin seme? toki mi ala li pona.
o toki e "toki" tawa nasin pi jan Sotan!
ona li pi mama pi mute en tok' apona.10
sina sona ala sona e ni: jan ni li mi? a!
tan ni la jan Italija li toki e "Mamma Mia!"
tenpo ni la tenpo mute la mi sitelen e musi ni.
mi wile e ni: sina kute e ni, la mi awen e kalama mi.
ike la mi wile pini tan ni: musi monsi li pini.
sitelen ni la mi kepeken ala nimi "pipi".
mi jo ala e jan olin lon ma Mosijo.
Így hát egyedül érkezek és távozok a moziból.11
musi ni li nasa! musi ni li ante!
nimi ante pi jan nasa li jan Te!
mi toki e ijo ike tawa jan ale, la
jan ale li wile pilin ike ala, la
mi pilin pona tan ni: mi jan ike ala.
ken la mi nasa. taso mi jan ike ala.
sin' alas' alalasa e kon pi musi ni kin?
jan lili seli mi o, kon ala li pi musi mi!
toki
sina sona ala sona e ijo ni?
ijo ni li pi mi.
ken la tenpo ni la sina sona e mi.
ken la sina ala.
ale la mi tawa.
-
nimi pi ma ni li Mosijo li Mosija ala. taso pini pi nimi ni la mi wile e nimi 'a'. kin la tenpo pini la nimi Mosijo li Masija. tenpo pini la nimi ni li ante tan ni: ona li sama mute pi nimi Asija. tan ni la mi pilin e ni: ante pi nimi Mosijo tawa nimi Masija li ike mute ala (ken la ike. taso ike mute ala). ↩︎
-
kon pi nimi "Te" lon toki Mosijo li sina (wan). tan ni la "jan Te" li sama "sina". ↩︎
-
pu la "sin' alas' alalasa" li sama "sina alasa ala alasa". ona li lon nasin "Informal use" pi nasin pi jan Sotan (jan Sotan li mi). tenpo pini la mi nimi e nasin nasa ni, sama "tok' apona". tan ni la ona li lon tok' apona. ↩︎
-
toki Inli la, "jan lili seli o" li sama "Oh, my summer child". ↩︎
-
nimi ni li tan toki Ike. tan ni la, nimi ni li ike. ↩︎
-
toki ike li toki lon toki pona ala. taso toki ike li ike ala. ante la ona li ike. ale ni la toki ike li ike li ike ala. (Dschorsaanjo paradox) ↩︎
-
mi toki e ni tan ni taso: mi wile kepeken nimi "lape" en "supa" en "pan" . ↩︎
-
mi toki e ni, la mi nimi e toki mi sama toki Tapasan. toki Tapasan la nimi pi toki ni li "trapas'am krosi". ↩︎
-
mi toki e ni: "mi nasa ala" en "mi toki pona". taso mi kepeken nimi "anasa" sama "nasa ala". nimi "anasa" li toki pona ala. tan ni la mi powe li nasa. ↩︎
-
tenpo pini la mi pali e tok' apona. tenpo ni la mi kepeken ala tok' apona. taso tok' apona li mama pi nasin sin mi (nasin pi jan Sotan). kin la ijo mute pi tok' apona li lon nasin sin mi, la ijo pi mute lili li lon ala pi nasin ni. ↩︎
-
tenpo pini la mi jo ala e jan olin, la mi tawa tomo pi sitelen tawa, kepeken jan ante ala. tenpo ni la mi pilin pona tan ni: mi tawa tomo ni, kepeken jan ante ala, tan ni: mi wile toki ala li wile lukin e sitelen tawa. ↩︎
< [rap] pilin ike awen | [rap] sina wile, la sina kama jo >