mostly spoken word renditions of pieces written in toki pona, released or otherwise | jaki mi

original script of my performance on suno pi toki pona 2021

Table of Contents:

• intro
• open
• olin li toki tawa jan ale (original: olin li tawa jan ale kin)
• jan lili pi ma ante (original: jan pi ma ante)
• toki ike awen (original: pilin ike awen)
• toki Tokipokalama (original: Tokipokalama)
• mi toki pini (original: mi toki)

intro

Hi, I'm uhm... well, me.
jan Sotan, Ae. Dschorsaanjo, jan ala, or just Zoli
and this is the mostly spoken word renditions of pieces written in toki pona, released or otherwise.
As the title says, it is not going to be my usual stuff.
You shall hear lyrics previously unrecorded, possibly unpublished,
along with some that you might have heard before,
long and long agone in a galaxy we occupy.
After these last few sentences though, nigh everything shall be in toki pona, so...
let's hope you and I are ready both
and that I won't fail to perform using a language that, I believe, was designed to write tongue twisters.
...... (for live) Hence I would like to formally apologize for every and all possible future hiccups
........................ that are bound to happen sporadically throughout this... thing.
........................ Also, I'm a nervous clicker, so if you would hear my mouse... I'm sorry, I guess.
...... (for prerecorded) Alas, that shouldn't be a problem, as you listen to the version that was prerecorded.

open

toki!
ni li musi pi nimi "jaki mi".
mi jan Sotan.
ken la nimi mi la sina sona.
taso sina sona ala sona e jan lon monsi nimi?
mi kalama taso ala. poki pi lawa mi li
lupa ala. ona ala li open.
ona li sike li suli li lukin ike
li ike lukin kin.
kin la nimi kin li kin.
sama la nimi sama li sama nimi Akin lon toki Inli.
ni ala li sona. ni ale li toki.
sona li ken toki. taso sona ni lon poki
pi ma ante li toki ala. tenpo ni la
mi wile pana e sona pona tawa sina.
...... (for prerecorded) sina wile la sina ken lukin e sitelen kepeken sitelen Linki lon anpa!
jan lili pi ma Mosijo o kute e ni ala!

olin li toki tawa jan ale

jan mute li pilin e ni: meli en mije li wile
olin e ante. taso mi toki e ni: tan seme?
jan mije li ken ala olin e mije anu seme?
jan li lukin ike, la jan sewi li pilin ike.

ona li pilin ike mute tan ni: jan li nasa.
ale li sona. tenpo pini la mi sona ala e ni.
mi wile sona, li kama sona.
sona li suli li pona. taso jan mute li sona ala
e ni: mije seme li olin e mije? a!

jan li wan. jan wan li sama ala jan ante wan.
jan ala li ken lawa e pilin ona. o pakala!
sina meli, la sina wile, la o uta e meli sina!
o pilin ike ala tan pilin utala pi jan nasa!

olin li pilin pi pona mute a! pilin sama li lon ala.
ni li ike ala ike: jan li olin e jan?
jan li mije anu meli anu tonsi anu ante. jan olin li ken ali.
musi ni li pini ala. taso musi mute li kama open lon tenpo ni.

tenpo pini la mi sona e jan mije lon
poka pi tomo mi. ona li pona li lon tomo
kepeken mama lete. mama li olin ala,
la jan ni li lukin tawa olin lon poka pi mije wawa.

ona tu li lon ma, la len ona li lon anpa.
ona tu li lon ma, la palisa ona li wawa.
ona tu li lon ma, la jan wan li lukin e ona,
la ona tu li tawa. tenpo kama la mije wawa

li mije weka. jan pi tomo poka li pilin ike.
mi tawa ona, la mi toki lon tenpo mute,
la mi kama olin e ante. mi olin e sama,
la mama ona li kama sona, la mije mi li tawa weka kin.

mi mute li ken ala toki. mi mute li ken ala lukin.
mi mute li ken ala pilin. mi mute li wile moli.
tenpo suno wan la mi mute li lukin e sama,
la mi lukin tawa nena weka, li tawa moli anpa.

taso mi sona e ni lon ma moli lon sewi kin:
olin li suli.
olin li pona.
olin li ike. olin li sona.
jan li toki e ni: olin li kon ale.
mi toki e ni: jan mute li wile utala li awen.

jan li wile sin li wile olin
li wile ala utala. tenpo ni
la mi pana e namako tawa sina
tan ni: mi olin e musi e jan mute sina.

olin li tawa jan ali.
sina ken ala ante e olin.
pilin utala li lon pilin,
la sina wile pilin e ike.

jan pona li utala ala.
jan utala li pakala mute,
la jan pona li olin e ante.
jan li jan taso li soweli ante.

tenpo sike suno pini mute la mi toki
e ni: o utala ala!... taso jan li utala toki
lon tenpo ale. mi mute li pilin ike.
tenpo ale la jan utala li toki sike.

jan li jo e olin. jan li jo e wile.
jan li olin e meli. jan li olin e mije.
jan li olin e jan.
jan li wile utala,
la jan mi li awen.
jan li utala, la jan mi mute li anpa len.

jan li pilin utala tan sina, la o lukin weka taso. jan ni li nasa. sina ken ala pali e ijo. taso sina ken olin.
olin li pona tawa jan ali, tawa sina, tawa jan pi ma ni, tawa jan pi ma ante kin.

jan lili pi ma ante

mi kin li jan pi ma ante.
mi wile pona. taso mi ike tawa jan ale.
tenpo ale la mi wan kan ala jan.
wile ale mi la mi tu li musi a!

tenpo pini mute la mi jan lili mije la mi wan.
jan pi pana sona li wile toki. taso mi kute ala
tan ni: tenpo pini ale la mi mute nasa.
jan poka li son' ala la mi awen tawa toki ona.
jan poka pi jan pona mute li tok' ike tawa mi.
oko li pana e telo. mi toki e "weka!" tawa jan ali.
ona li toki e ni: mi nasa li nasa lukin.
taso mi sona e ni: ona li suli la ona li ala ni...

mi jan pi ma ante.
mi wile pona. taso m' ike tawa jan ale.
tenpo ale la mi wan kan ala jan.
wile ale mi la mi tu li musi a!

on' ale li sama nasa. on' ale l' ike lukin.
o pilin e musi e monsuta pi jan nasa suwi mi!
musi mama ni li jo e musi tu ante. taso
tawa sina la mi wile ala pana e jaki walo.
waso li kalama musi. jan nasa li kalama toki.
jan ale en jan wan ala li ken pakala ko li
tawa weka. toki ni li pona tawa mi.
mi sona e ale ni. jan ala li sama ...

mi jan pi ma ante.
mi wile pona. taso m' ike tawa jan ale.
tenpo ale la mi wan kan ala jan.
wile ale mi la mi tu weka li a!

toki ike awen

o pilin pona ala.
ni li pona ala.
taso o pilin ike ala.
mi pilin ike tawa sina kin.

tenpo mute la tawa sina la mi wile toki e ijo.
mi ken ala awen e kalama ni, la mi wile awen tawa kon.
toki mi li lon. sitelen sina li jaki.
o tawa mama sina li nimi e ona sama "Mami!"
sitelen mi li sitelen sama ala sitelen pi jan ante.
sitelen mi li sitelen sama pu. ona li ken ala ike ante.
tenpo mun pini mute la mi toki e ni: "I'm back!"
tenpo ni la mi sitelen li toki ala awen.

sewi mi li pimeja sama linja pi soweli mi.
kalama pi pilin ike li lon awen pi lawa mi.
o awen weka mi! o tawa mi ala!
sina tawa, la mi weka e pona sina.

mi jo e nimi ala. mi wile e nimi sin.
sina wile utala, la mi kama tu e sina
kepeken toki pona. mi moku e pilin
sina, la sina jo e ala lon sijelo lupa sin.
mi pilin e ni: sitelen mi li ike, la
mi kama ante e nasin pi musi sitelen, la
mi ken toki e ni: mi pali e mi pona.
mi toki lon toki ante, la jan ala li sona
e toki mi e kalama e kon pi musi nasa.
ken la mi wile kama sona li pali tawa kulupu Nasa.
tan ni la ken la mi ken weka e mun ni.
ken la mi ken tawa mun ante suli.
ken la mi ken kon e kon pi mun Jupite.
ken la mi ken moli lon weka pi jan ale.
ken la jan mute en sina li wile e ni lon.
ken la mi wile toki pona ala, la mi wile toki Nijon.

konnichiwa! wakashi wa Yan Sorutan desu.
toki Nijon la mi wile toki li jo e ala ken.
wile mi li mute. wawa lawa mi li mute lili.
mi soweli utala. wile mi li kili.
ma kiwen mun li tawa sike suno. mi ken ala awen.
jan li tawa monsi, la ona li ken awen.
sina ijo e ni la ni li ijo monsi.
ona li sona awen. o sona e kon ni!
lawa li sama jan. ona li pona li ike.
ko li kama kiwen. kiwen li kama ko sike.
poki li jo ala e ale lon insa ona,
la sina ken kepeken pona pi poki ona.
sitelen linja mute li lon lawa pimeja mi.
mi sitelen e sitelen linja pi mute lili.
sina ken kute e sitelen linja pi mute pi lili lili.
taso sitelen linja pi mute pi lili lili lili lili li pona tawa mi.

mi jo e sitelen mute toki.
o uta pona e lupa monsi anpa mi!
sina ale li ken tawa suli pi ma weka!
sina weka la mi ken kama poka pi pimeja.
o kama sona ala e nimi pi mi anu jan Sotan!
pimeja mi li lete. seli mi li wile utala.
tan ni la mi sitelen e sitelen sama utala,
la jan mute li pilin e ni: mi kin li jan utala.
ona li ike. kin la sona ona li ike.
sina lukin ala lukin? mi toki sike
pi ijo powe ala. apeja li namako.
wile mi li kiwen. taso lawa mi li sama ko.
ijo ale pona li wile pini tenpo.
ilo mute pona la jan pi mute lili li ken jo.
mi toki sama ni la sina pilin e ijo powe ni:
mi jan pi sona mute. ona li ken ala mi.

tenpo ni li tenpo ona ala. mi ken awen toki tawa len.
jan li toki ale, la jan li ken toki e seme?
mun moli li utala, la mun ni li mun ko.
mi kama tawa kon sama soweli sitelen Tunpo.
mi ken ala sitelen sama jan Wasiki anu Tan Pu.
taso mi ken sitelen kepeken toki pona kan pu
ante. ken la pu li kama pu ala.
o tawa e sina tan ni: mi ala li tawa!

toki Tokipokalama

sina pilin ala pilin e ni: musi ni mi li nasa ala?
sina pilin, la sina en mi ala li nasa.

tenpo li kama tawa pini tenpo.
jan li alasa e jan olin ike. sina ken jo
e jan olin pona e jan pona olin.
tan seme la sina wile e jan nasa sama mi?
tenpo mute la mi sitelen e ijo pimeja.
mi sitelen e toki pi pu ala, la jan mute li kalama
li wile utala e mi. mi sona ala e tan ona.
mi kepeken toki pona. ni li ike anu pona?
ken la toki pona mi li toki pona ike tawa sina,
la o supa lon supa! o sewi e noka sina!
o weka e noka sina! tan ni la mi ken lukin e lupa sina.
sina meli anu mije? ni ala li palisa.

sina jan. sina lon.
insa noka sina li kon.
sina jan pi toki pona. sina lon kulupu.
sina wan. sina tu. sina tu wan. sina tu tu.

ni li toki. ni li nasa. mi nimi e ona sama Tokipokalama.
ni li ike. ante la ni li pona. jan ale li sona li sona ala.
tenpo kama la ken la mi musi ala. ken la tenpo kama la mi jan pi alasa kala.
jan pona li kute. jan ike li kalama. mi jan ike ala. mi mu li kalama ala.

mi musi tawa sina li pali e musi tawa sina.
mi kepeken mute pi nimi "sina". taso mi kepeken kin a.

tenpo mute la mi wile. tenpo lili la mi pali.
mi ken ala sitelen, la telo nasa Palinka li
ken pona e lawa mi. ona li pona tawa mi.
taso mi moku ala e telo nasa lon poka ala pi jan ali.
mi wile e jan olin. mi wile e jan pona mi.
jan ala li olin, la olin li tawa ala mi.
ni li tenpo pimeja. mi mute li musi Poke.
mi kama jo e mani. sina kama jo e pilin ike.

ale li pona la pona li ali.
mi wawa, la mi ken utala e jan Mukamatali
lon tenpo pini. tenpo ni la ona li
lawa li utala e jan utala ante moli.

mi wile pana e musi pona tawa sina ale.
tan seme la mi musi tawa sina mute
kepeken ilo jaki en sona pi lon ala mi?
pali musi li pona tawa mi. ni li kon pi lawa mi.
musi ni la mi kepeken ala pi nimi ni:
anpa, esun, jelo, kasi, kiwen, kili,
ko, kule, laso, pan, lete, linja, lipu,
luka, mama, pakala, monsi, pipi, mu,

ma, namako, nanpa, nasin, nena, open,
poki, seli, sijelo, sin, sike, oko, len,
sinpin, soweli, tomo, unpa, suwi,
uta, walo, waso, suno, lape, suli.

ni li musi. ni li nasa. mi nimi e ona sama Tokipokalama.
ni li ike. ante la ni li pona. jan ale li sona li sona ala.
tenpo kama la mi pini pali e kalama. taso tenpo ni la mi pini ala.
jan pona li kute. jan ike li kalama. mi jan ike ala. mi mu li kalama ala.

musi li pini a! a a a!
mi tawa a wawa!

mi toki pini

a! ni li musi nasa.

ken la sina pilin e ni: mi tawa, la sina wile utala.
taso mi toki awen li awen toki.
mi toki.
sina wile unpa, la mi toki.
mi toki li toki li toki. mi toki.
tenpo pini la mi pali e musi.
taso mi pini.
mi pilin ike li lili.

tenpo suno wan la mi sitelen e ijo.
jan li toki e ni: ona li musi li ilo
pi pilin pona. ona li kalama pona.
sina ala li sona.
mi lukin e jan pi sona sina, la mi wile pali.
taso mi pali la mi pilin e ni: mi pana e jaki tawa sina ali.
mi jaki.
mi jaki la mi pana e telo tan oko.
mi kute ike. mi lukin ike tan oko pakala mi.
sina weka, la sina sike.
sina weka ala, la sina ike.
sina wile utala e mi.
sina wile pakala e mi.
sina pilin e ni: mi jan ike, la mi jan ike kama.
sina mu kepeken kalama ala, la sina kala taso tawa mi.
o ala e ni.
mi pali ala li toki.
taso mi toki kin.
mi toki.
mi lukin e ala. mi toki.

mi lon tomo ala la jan ala li lukin.
mi ken kalama la jan ala li kute e ni:
mi kalama mu.
mi mu li toki.
tenpo ale mute la mi toki
tawa jan pi kon pi lawa mi.
o tawa mi.
mi wan. sina wan anu mute.
mi tu anu mi mute li mute.
mi tu anu mi mute li ken musi.
taso mi wile ala e musi.
ale la mi musi.
ni li musi ala mi.
ni li musi ante.
ni li pona tawa mi.
mi wile utala li ike tan musi mi.
ni li musi:
mi wile e ni: jan li musi tan musi mi.
taso musi mi li ike tawa mi.
tan ni la jan li musi e musi mi li ike anu nasa.
o sona e ni: mi nasa kin.
mi nasa.
jan ala li lon tomo mi, la mi toki.
tenpo ale la mi toki.
mi toki tawa selo. mi toki tawa lupa.
mi toki tawa poki. mi toki tawa supa.
mi lukin e sitelen. ona li sitelen tawa.
mi toki li toki li toki. mi toki.
taso mi wile pini e sitelen ona.
ni la mi tawa.

tenpo ni la lon la mi tawa.