[novella] open en pini li sama

01 - musi nanpa wan

tenpo pini la jan li sitelen e sitelen linja ni:

jan li alasa e soweli suli majuna lon poki pi telo suli, la monsuta kala sewi li sewi tan telo li toki e ni: "mi lawa e sina pipi." jan li kama sike li moli e mani tawa monsuta sewi. tan ni la ona li pilin pona li moli ala e jan.

02 - musi nanpa tu

jan sona li toki e ni: monsuta sewi li kama tawa kin.

tenpo suno kama la telo suli li open la luka linja mute li sewi. ona li luka e jan, la uta monsuta li kama open. jan pi nasin sewi li toki tawa sewi ona. taso sewi ona li weka.

monsuta kala sewi taso li lon.

03 - musi nanpa tu wan

ni li sitelen tan lipu sona pi jan Isaki:

tenpo ni la jan li lon ala ma tomo pakala Uso. tenpo pini la ma ni li lon poka pi telo suli. taso kon li seli la telo li lili li kama weka. palisa kiwen insa li lon sinpin tomo pakala. jan ala li sona e tan pi moli ona.

04 - musi nanpa tu tu

jan li kama jo e sitelen ni tan sijelo moli pi jan Isaki:

tenpo sike suno pini mute mute mute la tomo Uso li pakala. tenpo suno pini la jan pi tomo Uso li tawa kin. palisa kiwen insa ona li tawa lon noka tu li kama tawa mi mute. tenpo suno kama tu la ona li lon ma ni.

05 - musi nanpa luka

jan utala lawa li pana e sitelen ni:

jan moli li kama lon sinpin lupa. tenpo ni la ona li utala ala li awen taso. jan sona mi li awen sona ala e ni: seme li lawa e ona. tenpo ale la mi mute li pali e ilo utala. taso tenpo suno kama tu la mi mute li jo ala e moku.

06 - musi nanpa luka wan

jan Isaki lili li lape la ona li lukin e ni:

ona en mama ona li lon tomo Uso. ona tu wan li tawa lon poka telo li pilin pona. taso mama li anpa la lawa ona li pakala. mama ante li kalama tawa jan pona. toki pini mama li ni: "tenpo kama la mi kama lukin kin e sina."

07 - musi nanpa luka tu

tomo Uso la kalama ni li kama tan ilo pi kalama suli:

jan pi tomo Uso o awen lon tomo sina! o len e lupa pi sina! jan moli li tawa tomo sina, la o utala e noka ona! ona li ken ala tawa, la o utala e lawa! jan pi kulupu sina li moli, la o seli anu pakala e sijelo ona!

08 - musi nanpa luka tu wan

jan lili tu li musi lon monsi pi tomo ona.

musi la jan wan li wile toki e ni: jan ante li sitelen e seme kepeken luka mama. jan lili li sitelen e sinpin pi pilin pona. uta sinpin li loje. oko sinpin li loje. telo sitelen tan luka li loje kin, sama lupa lon sijelo mama.

09 - musi nanpa luka tu tu

tenpo suno luka tu wan la utala kepeken palisa kiwen insa tawa li open.

moku li pini. jan li moku e insa wawa pi jan moli. ante la jan moli li moli ala la jan pona ona li kama jan pi moli ona. jan ante li pilin e ni: jan ni li jan ala li soweli anu monsuta. wile ale jan li moku sin.

00 - musi nanpa luka luka

moli li tawa, lon nasin tawa pi tomo Uso pi pakala kin.

tenpo pini lili la jan li apeja tan monsuta poka. ni li jan wan taso pi moli ala. ona li sona e ni: moli ona li kama. jan moli li supa anu tawa anu kama palisa kiwen insa utala.

ona li kama tawa jan tan toki pi lawa ona.

10 - musi namako

taso tenpo ni la jan li moli ala la ona li ken lukin e kama pi monsuta kala sewi.

tenpo pini la ma li lon anpa pi telo suli. telo li ken ala la ma li tu la monsuta sewi li sewi li toki e ni: "tenpo kin la jan li kama anpa e lawa ona tawa mi!" sewi Tulu li lon li lawa kin.

Sisi woli isi unte Kerejasiwe Komonsi Asilipuson Po Pon O Intenasonali. Ju ken lejusi si asi ju wi.
This work is under Creative Commons Attribution 4.0 International (CC-BY-4.0). You can reuse it as you will.