[poem] nimi
2017. 08. 27. 12:00 | \poem \toki pona \toki pona taso
"tan seme?" li toki
pi tenpo ale.
sina ken kute e
ni tan mi en jan en ante.
olin li nimi monsuta
li kipisi e lawa jan.
ona li utala e
pilin e kon e ale.
musi taso ala li pona.
ale li pona li
monsuta kin.
ante la ona li powe kin.
taso powe li seme?
jan sin li sona
ala e nimi majuna;
majuna pi tenpo pimeja.
pona li pasi li pasila.
kepeken en poka li kan.
powe li pona ala li lon ala.
kijetasantakalu li sewi a!
mi wile pini.
taso mi wile ala.
wile li wile jan
li wile ala jan.
mi open e pini.
tenpo pini la
open li pini.
pini li open lon tenpo ni.
musi nimi ni li lili
li kalama ala.
jan lili li lili li
kama pali e jan lili sin kin a.
tenpo wan li sike ala.
tenpo mute li wan ala.
tenpo pi mute lili li wan.
taso wan li mute lili ala.
< [poem] mi toki | [poem] toki lon toki pona nanpa wan pi jan Sotan >