[rap] nimi mute

Originally written to Kalimbastic before it was repurposed.

2/4
kulupu sona
palisa ona
mute mi lupa
pasila supa
tu wan a noka
namako pona
ike li kama
li lon
powe li tawa
iki en anpa
ipi o walo
kon anu waso
akesi sama
majuna jalan
kijetesanta-
kalu

4/4
ale ala li pona.
jan li kama majuna
li wile a ijo mute pi j'ante.
ante la mi kin li wile e ante.
mi pali e musi. mi linja e nimi.
sina kute e ona. tan ni la mi
sona ala e tan pi si'nasa mute.
mi pana e kapesi. jan mute li wil' e kule.

3/4
nimi mute li lon li toki. kon pi
nimi mute li len lon monsi pi toki.
lawa li nasa. tenpo li pakala.
sona ali ale sina li powe tan kalama.

2/4
kipisi ala
kapesi pana
pake e kala
powe li lawa
soweli laso
jan ante taso
seme li selo
leko
ale li sike
ali li ike
ma lili kiwen
tonsi en ante
meli en mije
sama li ale
sinpin e lawa
tan a

4/4
mi toki li toki li toki. mi toki.
tenpo ale la mi toki li toki
e nimi mute. mi lukin e ona
lon ilo sitelen kepeken ilo nanpa.
jan Pali li pali. jan Sona li utala
lon ala sewi, lon ala noka.
sina wile e musi la mi kama pali.
ona li ike tawa sina, la o sitelen e jaki.

3/4
nimi mute li lon li toki. kon pi
nimi mute li len lon monsi pi toki.
lawa li nasa. tenpo li pakala.
sona ali ale sina li powe tan kalama.

2/4
ni ale pini
kili a pipi
lili a li kin
insa o sin sin
akesi musi
monsuta suwi
alasa anpa
ala
nimi tu a mi
toki e ijo
mi a li wile
ala ku ona
tan seme mi ken
sitelen lipu
pi toki pona
pi lawa mi
a lon