[rap] Tokipokalama

This is a lyrics I've been struggling to record, so I finally publish it here.

Update (oct 2022): Since it was performed in spoken word form during 2021's tenpo suno pi toki pona, it is considered to be "done", so I will not feel bad for never properly recording it.

open

sina pilin ala pilin e ni: musi ni mi li nasa ala?
sina pilin, la sina en mi ala li nasa.

musi #1

tenpo li kama tawa pini tenpo.
jan li alasa e jan olin ike. sina ken jo
e jan olin pona e jan pona olin.
tan seme la sina wile e jan nasa sama mi?
tenpo mute la mi sitelen e ijo pimeja.
mi sitelen e toki pi pu ala, la jan mute li kalama
li wile utala e mi. mi sona ala e tan ona.
mi kepeken toki pona. ni li ike anu pona?
ken la toki pona mi li toki pona ike tawa sina,
la o supa lon supa! o sewi e noka sina!
o weka e noka sina! tan ni la mi ken lukin e lupa sina.
sina meli anu mije? ni ala li palisa.

sina jan. sina lon.
insa noka sina li kon.
sina jan pi toki pona. sina lon kulupu.
sina wan. sina tu. sina tu wan. sina tu tu.

sike

ni li musi. ni li nasa. mi nimi e ona sama Tokipokalama.
ni li ike. ante la ni li pona. jan ale li sona li sona ala.
tenpo kama la ken la mi musi ala. ken la tenpo kama la mi jan pi alasa kala.
jan pona li kute. jan ike li kalama. mi jan ike ala. mi mu li kalama ala.

musi #2

mi musi tawa sina li pali e musi tawa sina.
mi kepeken mute pi nimi "sina". taso mi kepeken kin a.

tenpo mute la mi wile. tenpo lili la mi pali.
mi ken ala sitelen, la telo nasa Palinka li
ken pona e lawa mi. ona li pona tawa mi.
taso mi moku ala e telo nasa lon poka ala pi jan ali.
mi wile e jan olin. mi wile e jan pona mi.
jan ala li olin, la olin li tawa ala mi.
ni li tenpo pimeja. mi mute li musi Poke.
mi kama jo e mani. sina kama jo e pilin ike.

ale li pona la pona li ali.
mi wawa, la mi ken utala e jan Mukamatali
lon tenpo pini. tenpo ni la ona li
lawa li utala e jan utala ante moli.

sike

ni li musi. ni li nasa. mi toki e ni: ona li musi Tokipokalama.
ni li ike. ante la ni li pona. jan ale li sona li sona ala.
sina sona ala sona e ni? kon li lon kon li lon musi ni ala.
jan pona li kute. jan ike li kalama. mi jan ike ala. mi mu li kalama ala.

musi #3

mi wile pali. mi wile lawa
e tenpo e kama sona e wile mi. o wawa!
mi wile lape, la mi sitelen.
mi wile sitelen, la mi musi li kepeken
nimi pi toki ante. ni ale li jo e kon ala.
mi jo e jan lili meli, la nimi ona li Sotana ala.
nimi ni li lon. nimi ni li ike.
sitelen tawa pi jan Talantino la mi lukin sike.

jan li wile pali.
jan li wile e mi ala.
sitelen ni li ante.
nimi pini li sama ala.

sike

ni li musi. ni li nasa sama mi. o kute e musi Tokipokalama!
ni li ike. ante la ni li pona. jan ale li sona li sona ala.

musi #4

mi wile pana e musi pona tawa sina ale.
tan seme la mi musi tawa sina mute
kepeken ilo jaki en sona pi lon ala mi?
pali musi li pona tawa mi. ni li kon pi lawa mi.
musi ni la mi kepeken ala pi nimi ni:
anpa, esun, jelo, kasi, kiwen, kili,
ko, kule, laso, pan, lete, linja, lipu,
luka, mama, pakala, monsi, pipi, mu,

ma, namako, nanpa, nasin, nena, open,
poki, seli, sijelo, sin, oko, len,
sinpin, soweli, tomo, unpa, suwi,
uta, walo, waso, suno, suli.

sike

ni li musi. ni li nasa. mi nimi e ona sama Tokipokalama.
ni li ike. ante la ni li pona. jan ale li sona li sona ala.
tenpo kama la mi pini pali e kalama. taso tenpo ni la mi pini ala.
jan pona li kute. jan ike li kalama. mi jan ike ala. mi mu li kalama ala.

pini

musi li pini a! a a a!
mi tawa a wawa!

I've lost record of when it was created, but my best guess is somewhere around second half of 2018 and early 2019