[poem] In Memoriam

thoughts

tenpo pini pini la ma li lon ala.
tenpo pini la ma li pona.
tenpo ni la ma li lon a.
tenpo kama la ma li ala.

tenpo li ante e jan e ma.
tenpo li awen e nasa e tan.
pona li sama pona lon ma ona,
la mi wile e ike li wile ala e pona.

mi sona e tenpo suno sama ni:
mi pilin pona tan ni:
mi lukin e kulupu. mi ken toki e ni:
kulupu ni li kulupu mi. jan ona li jan sama mi.

experiences

mama mi li lon ala kulupu mi. taso jan ona li lon.
kulupu olin li lon. ma la kulupu ni li kon.

jan pona poka mi li tawa weka.
mi kama jo e jan pona sin lon ma ona.
jan pona ni li weka e ma ona, la mi tawa kin.

mi lukin monsi la mi lukin e ijo ike
lon nasin toki mute li kalama.
jan li toki ike li toki sike li pakala.

tenpo pini la mi pilin e ni:
jan ale pi toki pona li pona.
tenpo ni la mi sona e ni:
jan powe kin li lon jan ona.

reality

tan ni ale la mi weka awen tan ma pona
e toki pona ala. toki ni li toki pona.
mi pilin e ni: toki pona la
mi mute li ken pana
e pilin pona tawa jan.

mi en jan pona mi li lon ma ante.
sina wile toki la sina ken.
taso mi mute li wile e utala ala.

ma pona li ken ala jo e utala tan ni:
utala li pona ala.
tan ni la mi wile toki e ni:
ma seme li jo e utala? ma ona li ken ala pona.

ma li sama ma telo.
sina weka e kala tan ma telo
la ona li ma ala li telo taso.