[poem] apeja

2016. 09. 02. 12:00 | \poem \toki pona \toki pona taso

meli en mije kin en
palisa moli mute
en unpa en pali li
pona mute tawa mi.

mi sona e sona kin
pi lawa pimeja pi
ma anpa, lon anpa pi
ma pi mi mute suli.

mi sona e ijo kin.
jan pi mute lili li
sona e nimi mute
pi musi lili ike.

tenpo pini mute la
mi olin. mi pakala
e ale. "telo nasa
o, pona e lawa mi!"

la mi moku mi moku
e telo nasa e kon.
telo nasa taso li
pake e nasa pilin.

jan sewi li lon ala
lon? jan mute li kama
lon, la jan li unpa e
luka ona e ante.

lawa jan li pakala
li kama tawa weka,
la ona li ijo lili
mute. ona li moli.

tan ni la lawa jan
li moli li lon ala.
tan ni la jan li sama
sijelo moli tawa.

mi kin. mi moli lon kon.
mi jan Sotan li lon
ma Mosijo. taso ken
la mi kama anpa len.


< [novella] open en pini li sama | [poem] In Memoriam >

Related


toki pona en mi

2025. 10. 19. 23:15 | \English \WIP \random \toki pona

This is where I formally announce/admit that I will not be making toki pona content...

More >

[rap] 4000 CE (Experimental Electric toki pona Hip-hop Rap Thing)

2024. 10. 02. 05:43 | \experimental \moli \random \toki pona \toki pona taso \translation \weirdly positive

This is an experimental track that uses pieces of 4 different lyrics. However, you are not meant to be listening to the words, they are supposed to function as nothing else than "another instrument". In other words, you are supposed to listen to it as if it was an instrumental track.

More >

jaki-pona

2024. 07. 28. 03:00 | \English \magyar \toki pona

jaki-pona is a toki pona language "overview" written in English and Hungarian.

More >