[song] musi lon pini pi sike mama

The song written for the extended ending of sike mama. Published under CC-BY 4.0.

VERSE 1

mama:         ale li lon tan tan.
              ale li wile kama majuna.
              sina lukin ala e tan la
              sina wile sona e pona tan.

              mi mama sina la
              mi lukin e ken a sina.
              tenpo ni la wawa insa li
              open ala li kama suli.

sina:         mi en mi kin li lon lon ma.
              mi en mi kin li ken majuna
              kepeken mi ante la mi ken sona
              e sona pi ma sewi ale.

              mi lon. mi moli. mi lon sike.
              tenpo sike la mi tu li toki e
              toki sama pi lon mi la
              mi kama sona ala e ona.

HOOK 1

mama:         sina kama sama mi.
              sina kama mama pi
              jan sama sina sama li
              pali e sike mama kin.
              tenpo kama kama li
              pakala e ma ali
              la ijo lon li sama kin
              pi sina en mi en mama mi.

VERSE 2

sina:         mi tawa ma pi sona ala.
              kon jan ali li kon sama.
              mi tawa. len li lon oko mi.
              mi tawa anpa lupa pi telo jaki.

              mi tawa ma sinpin pi tomo tawa.
              mi tawa noka pi ma pakala.
              mi tawa la mi tawa kon.
              mi lukin e sina
                  la mi tu li toki lon.

mama:         tenpo li sike sama mama sina.
              taso ona li awen tawa tawa.
              insa jan li insa sina kin
              li ken ala jo e insa sin.

              sina jan ale. sina soweli kin.
              ante la sina ale lon. ni
              li toki pona pona taso.
              ale la mi tu li lon kon laso.

HOOK 2

sina:         mi kama sama sina.
              mi kama mama pi jan
              sama mi sama li pali
              e sike sin mama kin.
              tenpo kama kama la
              pakala e ma ali la
              ijo lon li sama kin
              pi mi en sina.
                  sina mama mi.

VERSE 3

mama:         mi mama sina.
sina:             mi jan lili sina.
mama en sina: insa la mi tu li sama.
mama:         tenpo kama la sina sona
              e sona ale pi ma ona.

sina:         mi wile sona e sona ale.
mama:         taso nanpa wan la sina wile
              poka e lon mi la sina ken
              toki e wile ala anu wile.
              
sina:         mi wile a! mi wile mute!
mama:         sina sona ala e wile.
              sina kama sona e lon ni:
              sona ale li sona suli.
              
              sona li ken pana e
              pilin apeja e pilin ike.
              tenpo ni la sina ken ala.
              taso tenpo kama la sina wawa.

OUTRO

sina:         mi awen la mi sona.
mama:         sina awen la mi sona
              e ken sina e wawa sin,
              lon insa sina sama mi.

sina:         taso lon li apeja.
mama:         taso lon li wile a!
              tenpo ni la sina ken ala
              la sina li tawa monsi.